Barnaaugnlækningar

Barnaaugnlækningar (e. pediatric ophthalmology) er sérgrein innan augnlækninga sem snýr að greiningu, meðferð og forvörnum gegn augn- og sjóntruflunum hjá ungbörnum, börnum og unglingum. Hjá okkur starfa sérfræðingar í barnaaugnlækningum sem meta sjón, sjónlag og samspil augnanna og veita meðferð við leti auga, skjálga og öðrum barna augnsjúkdómum.

Sjónin þroskast á fyrstu 8 - 10 árum ævinnar, snemmtæk greining og meðferð skiptir sköpum til að koma í veg fyrir varanlegar vandamál. Grunur um vandamál kemur oft upp við 4 ára skoðun og þá er mikilvægt að panta tíma hjá augnlækni. Athugið að það getur flýtt fyrir að fá tíma ef send er tilvísun.

Helstu viðfangsefni og kvillar:

• Sjónskekkja og sjónlagsgallar: Nærsýni, fjarsýni og sjónskekkja sem oft krefjast gleraugna. Sjá nánar í fræðslugrein: Sjónlagsgallar.
• Rangeygi (strabismus): Þegar augun horfa ekki í sömu átt; getur verið stöðug eða komið fram öðru hvoru. Sjá nánar í fræðslugrein: Rangeygi (strabismus)
• Latt auga (amblyopia): Þegar annað augað nær ekki fullum þroska vegna rangeygni eða mikils munar á sjónstyrk milli augna; oft meðhöndlað með augnplástri yfir betra augað. Sjá nánar í fræðslugrein: Latt auga (amblyopia).
• Meðfæddir augnsjúkdómar: T.d. meðfædd ský á augasteini (congenital cataracts), meðfædd gláka eða frávik í sjóntaug.
• Fyrirburasjónhimnukvilli (ROP): Sérstakt eftirlit og meðferð á æðamyndun í sjónhimnu fyrirbura.
• Stífluð táragöng: Algengt hjá ungbörnum þar sem tár ná ekki að renna eðlilega niður í nefhol.